另有一番體會

積善之家，必有餘慶，積不善之家，必有餘殃。係中國傳統的觀念。佛教觀念未傳入中國之前，早已有之。

到佛教傳入，就有：諸惡莫作，眾善奉行，自淨其意，是諸佛教。簡單，明白，佛教就係咁，有因果報應呀！

但係好多時，惡人未有報應，有人抵唔住，就話：殺人放火金腰帶，修橋築路無屍駭。

跟住就有人出來安慰，若然未報，時辰未到啫！

喂！係咪真係有報應架？定係自我麻醉咋？我就被人害到雞毛鴨血，條友而家風花雪月，邊有天理呀？

＝＝＝

一個人，一生必定有起有跌，邊有人成世順風順水丫。最慘係一些無妄之災，想爆頭都唔明白，人地點解要害你。

上世紀九十年代，就試過被個無良僱主拖我糧，追極都唔啋我。當時我真係想搵黑社會去打到佢仆街。到掉返轉頭，佢有求於我，先追返份糧。不過冇幾耐，呢條友消失得無影無蹤。以佢當時的身份，和佢進取的性格，冇理由會咁樣從地表消失。一定係有極大錯失，身敗名裂，永不翻身。

＝＝＝

再睇下D公眾人物。黃之鋒十幾歲，就出來趁。黃毓民只有一句話我認同，就係呢黃之鋒鳩毛都未出齊，就學人玩政治。好勒，現在應左一句：牢底都坐穿。一個刑期未完，就又再被捕，有第二單等住審。

＝＝＝

當然又要提太監陳啦。七月十四日係一個有紀念性的日子，二零一六年的這一大，我離開了呢間仆街公司，唔駛再對住太監陳和仆街孫。轉眼間九年了。

我話打算搬上深圳住，有個新開始。佢就話：你死梗啦！

第二年夏天，某同事個仔派中一，間學校之前傳出有學生毆鬥，太監陳又話：你死梗呀！你死梗呀！

我就從無咒過太監陳死梗，只係話佢正仆街，獐頭鼠目，呃呃騙騙，唔見得人地好，唯一技能就係擦鞋含撚。

好了，結果，冇人同佢講：你死梗啦。只不過，最後的日子，佢知道自己死梗。我個心，感謝天道，因果報應，半點不差。

＝＝＝

報應就係咁。真係有時空因素。邊個主管，我點撚知？不過條數冇走你既。所以，你見到有乜睇唔過眼，唔駛發火，放長雙眼。好似柒朗普發神經亂咁來，笑笑口睇啦，到時到候，佢就仆街死架勒。

我話既：係真既。