想開心應該去街

最近被鎖事煩到我嘔，下午醒來，決定出街四圍走走。

去年，面對踏入六十大關，曾經想過，好好醜醜的，都要為自己做件大事。考慮過減掉肚腩。我有好幾個老友，都冇肚腩，成日笑我肚腩愈來愈大。又難怪，佢地見過我未有肚腩時玉樹臨風的樣，當然覺得現在睇到都唔開胃。但係減肚腩係極困難的事。搵藉口我最叻，第一，呢幾個冇肚腩的朋友，身體並不見得比我好，佢地全部食緊降血壓藥。第二，身體好不如心情好。我要從心出發，由內至外的改進。時間在倒數，要活得開心，起碼都要嬲少D。

於是乎，我日想夜想，又被我想到。舉個例子，久不久就有西人講，控告黎智英係打壓乜乜物物，要釋放佢。聽到都火滾，放你老母啦！

但係想深一層，西人為乜會咁講？梗係收左錢啦！梗係肥佬黎個仔疏通過啦！但係結果一定唔放，即係倒錢落海。如是者，愈多西人出來講，就愈倒得多錢落海，我就愈開心了。

如是者，令人髮指的事，變成令人心涼，成功！同時，我又明白了，有時，唔需要咁快去扯火，慳返好多氣。

而最近煩住晒的鎖事，當我行行下街時，又被我想通了！

一身鬆晒，走去街市，買舊粉葛煲赤小豆扁豆，隊晒落電子瓦撐，明天收工就有得飲。開心。