終於想到了

今朝收工，極之疲累，買幾罐啤酒隊下，諗住輕鬆下，再睡一覺好。點知個舊客打來，話程式出問題。

大鑊，我躺平咁耐，個腦生晒草，點算？個程式行左十幾廿年，都未發生過這種問題，真係一頭霧水。叫個客畀時間我，查找原因，然後走左去訓。訓醒都係唔知點攪，又要開工，只好明天再算。

開工其實都冇野做，又想呢個問題。始終冇頭緒。偏偏又想起一件往事。

十多年前，收到白撞電話，認係我老豆，話你老母入左醫院。我吊晒老母，給佢電話，佢死都要打來。吊左好多次，佢先至話，我真係唔係你老豆？激到的嘔血。

今日想起，我終於想到解決方法。

我應該話，老豆，我叫雞冇錢畀，被人禁錮，你帶三萬元來贖我呀！

對付乜野人，要用返對等的方法。