一不離二

其實呢個趨勢，我一早就觀察到。勞氣事，總係接二連三。一命二運，總逃不過。

之前提過一個同事，未等人接位，就走左去訓覺。剷過之後，冇再咁做，但係就訓到唔起身。你走去叫醒佢，佢會一跳跳起，扮晒好內疚咁，唔好意思，唔好意思。本來唔記得校鬧鐘，係好平常的事，但係佢隔日又試過，至今，已經試過三次，要去刮佢出來。

連之前遇過最無賴的一個，試過一次都唔會再犯。呢條友，簡直就係無恥，我曾經恐嚇過，以後早半個鐘頭叫醒佢，佢都啋你有味。

＝＝＝

我老媽子最叻生安白造，無風起浪。某日佢打電話來，我聽唔到，冇接到。跟住，佢就隔幾日，半夜兩點半打來。我當然都冇接啦。跟住佢就向我大佬告狀，話我唔接電話。再過幾日，就留言講D乜知乜野。煩到我嘔。決意唔理佢。

＝＝＝

本來呢個長假期，想搵多兩更，就叫公司安排。早十日已經安排好返五、六、和一，三日。點知臨門星期五先至話取消六、一。咁我話既然係咁，我不如放個長假，就連星期五都休息勒。咁順理成章，嘆下世界啦。

點知今晚電話響，對方一輪嘴就話你有冇返工呀！我話：我休息喎。對方粗聲粗氣，話：更紙寫左係你喎。我話：你更紙寫乜都得，冇人通知過我要返工。

有時，說話方式真係好重要。你呼呼喝喝，我吊你老母都仲得。

＝＝＝

大佬，我年紀大，又煙酒過多，你地咁樣夾埋來激我，我隨時爆血管架。