如何對付仆街？

先前講中東佬玩鳩柒朗普，真係大快人心。不過呢種玩法，要有財力先玩得起。雖然最後一定唔駛出錢，但係都要有人信你出得起錢，先會玩得到條傻佬丫。換著我一個窮鬼，話送架車畀柒朗普，都冇人信我送得起啦。

另外仲有亞媽信，傳下消息，話會在價錢傍標明其中有幾多係關稅，咁就玩到成班笨柒紮紮跳。無他，柒朗普一路呃鳩國民，話關稅係中國出，美國人賺到笑。而家擺到明係篤爆你個大話，而成班廢柴冇法子解拆，仲唔發晒癲咩。

一單未完，一單又起。輪到郁你阿嫲話因為關稅要加價。又係話因為關稅加價，明示係柒朗普一路講大話。激到柒朗普話你去年賺咁多，應該你同中國食左佢。咁就好笑勒，變相係承認關稅唔係中國畀。所以話，人蠢冇藥醫；昏君身邊只有奸侫，冇人會提佢唔好自爆。

所以呀，我話唔駛教精呢D仆街架，你由得佢，愈玩愈大，以為自己隻手遮天，攪到天怒人怨，自然會有人去治佢。