人老精，邏是廢？

大約十年前，我去D乜鬼NGO辦的中藥班，有塊田讓學員種下植物。第一堂就落田，大家分組完畢，阿蛇話，要整理好塊田。呢處呢處，挖條深坑，然後用磚劃界。組員一係大媽，一係老坑，咁我就拎起個鏟，又掘又鏟，挖出一條坑。我話：好！大功告成！誰知隔籬個老坑，一路無所事事，呢個時候就起身，將挖開來的泥，堆返落條坑處。我話：你老母臭，你做乜呀？佢話，填平佢囉！我揸住鏟對手，一路係咁震，真想一鏟就拍落佢個死人頭處。但係我詩禮全家，忍住怒火，同佢溫柔地講，你不如去問下阿蛇先啦。。。呢種咪就係廢老囉。見唔少，激得你死。

但係，係咪老先至廢？青年，青少年廢的，亦都見唔少。而且佢地年輕力壯，廢起上來，嚇得你死。一九年大家都見唔少啦。

＝＝＝

而家都兩蚊搭車左年幾，後生嫌我老，唔讓我，我搭地鐵冇位坐，仲頂得住，我掉轉頭讓位都仲得，我唔同你計較。你唔尊重我，唔緊要，尊嚴，自我價值、自我感覺，係來自自信，我知自己做到乜，做唔到乜。你冇家教，太可憐了。

你地冇既，係經驗，歷練。至於你能否洞明世事，而人情練達，就睇你根器何屬。唔係我恃老賣老，就算你天賦非凡，你後生就係冇數據，你一定未得。

＝＝＝

你問我ELON　MUSK聰唔聰明？我話呢條正笨實。佢一早收購TWITTER，事後發覺，原來係替柒朗普造勢，然後加盟，去建立DOGE。好似好有遠見，有謀略，部署好一切。你睇下佢而家乜身勢就知啦。

你話我馬後炮，我話你蠢過西。

有些少正常思維都知啦、你睇柒朗普第一次入白宮，身邊高級職員，影嚮一國興衰的，炒幾多人，幾人辭職，多到唔記得，就知呢個係乜野人啦。你仲黐埋去，驗下智商啦。

而家２．０，埋得班既全部擦鞋獸，出來記招，就不停擦鞋，在蠢統的英明領導下，我地國家好撚掂。其實個個都出晒醜，被人問到口啞啞。ELON，你回塘啦。

＝＝＝

令我聯想起麥浚龍呢條友。條友走去拍電影殭屍，網上免費有得睇。睇到片尾，每個演員都要出來歌頌導演。就算你套戲幾好睇，我都睇唔起你呢個人。現在又話就快有套山林風火，連金城武都搵到埋班。但係、我話既，一定係垃圾。

＝＝＝

三國演義中有個徐庶，聰明絕頂。曹操為了收為己用，夾左佢老母返來，迫佢就範。徐迫於無奈要應承，但係許下諾言，一生不為曹操獻一計。

中國文化就係有一樣野叫氣節，我係唔吊你，你吹咩？

鬼子佬就未有呢種智慧。你唔做？大把人爭住做。結果成班太監埋位，做一輪大龍鳳，收水走人。

三國好，水滸好，成日都講，良禽擇木而棲，賢臣擇主而侍。我行老正你要逼死我，我咪去行古惑囉。至少我堅守住我信念。

＝＝＝

有人講，你老細做得你老細，佢一定有某樣技能，睇到你睇唔到既野，一定某方面比你優秀。你同佢有矛盾，你要自我檢討。

我話你聽，吊佢老母啦。人地老母日日被大老細吊，先至上到呢個位，唔通佢會話你知咩。

老細有冇料，你咁都睇唔出，你有問題，唔好怨。

＝＝＝

另一個謬誤，係人有基本智力。對唔住，係天荒夜談。

廿年前，有人請我做野，係乜野新科技。開左波幾個月，三個老細都係咁吹係咁吹，虛無飄渺。我於是將我領會到的，將個科技作一個描述，講解下有乜用途，應用到乜野範疇，寫一篇論文式的文件，交給其中一個老細。係我以為有正常智力，比較務實，因為佢比較少吹水。

點知隔兩日，呢位老細搵來佢一個老友，外號叫神童的人，其實五十幾歲，被裁員，遊手好閒的人。個老細話佢好醒，乜野都好快上手，乜都學得識。咁老細卜左個小會議室，我地三個人就坐入去。呢個神童，就開始做佢既講述，PPT，乜乜柒柒。講左成個鐘。完結時就問，有冇問題？我個笨實老細，就望住我，你有冇問題？

我吊你老母，呢個神童，照我所寫的，一字不漏，讀返出來，你問我有冇問題？咁即係你都冇睇過我份野啦。神童知唔知係我原作，我就唔知，但係佢就真係無恥得可以。

當時我非常厚道，就求其問個問題。條神童就隆而重之咁回答。

由此可見，太多人，冇基本智力，亦都全無廉恥。人地畀份野你，你就當自己原著去發表，面不紅，氣不喘。

呢處又帶出另一個謬誤，就係今日留一線，他朝好相見。

想真D，其實咪又係一班無恥人，衰左勒，就咁樣講來要脅你，唔好發圍，唔好吊佢老母。

當時我應該就發難。我吊你老母個老母，你個神童，神棍下嘩。你醜唔醜呀！轉向個老細，你老母係咪被狗吊，先會生出你呢個狗頭呀！

＝＝＝

總結。

你跟錯老細，如果錢銀係合理，咪玩下玩下咁囉。收一蚊，交一蚊貨。如果錢銀唔合理，吊之哉，吊之哉。唔好留手，唔好客氣。吊到佢無地自容，吊到佢口吐白沫。大家出來行，你以為你係邊個呀？