冇得博懵

前日小滿，天氣很熱，已經可以沖凍水涼。昨日更熱，晚飯邊吃邊流汗。

之後個心一直想住冬瓜。做乜想住冬瓜？梗係食啦！消暑丫嘛。香港夏天，冬瓜水係冇得走雞，亦冇得博懵既。想左成晚，終於有定案。

今朝一早就去買冬瓜和排骨。瓜皮就加赤小豆扁豆薏米煲水，瓜肉就排骨瓜粒湯飯。

世事難料，以前的工作，從來不曾白紙黑字去規劃，一切都在腦海中想像出成個架構，呢個技能搵唔到食，估唔到現在偏偏用在煮食之上。

買完料返屋企，就依我預想的方案，解凍，浸發各樣乾品，醃肉。。。井井有條！

煲落冬瓜，洗好米，校好時間掣，就走去眠。一覺醒來，就有得飲。再三兩下手勢，就有飯食。十分滿足。

一身本領不為世所用，付出與收獲不成比例。唯有用來煮飯，永遠有成果。