明天還是要繼續

大頭文走後，我還是要理髮。

咁，四月中，我就去搵個八十蚊單剪髮的試下。其實，我住的地方，行落樓，一個BLOCK內，不用過馬路，就有八間理髮店。真係鬼掩眼，一試，就試著個極差勁的。

佢就在我樓下的一個婆娘。我見佢人流暢旺，以為起碼有個譜。點知。。。唉。。。

理髮時，佢話：你第一次來喎～～～我話：係！我飛開果個師傅，退左休勒。佢就話：咁佢一定好大年紀勒。

我都懶得理佢。剪完之後，真後悔。吊佢老母～　永不錄用。

＝＝＝

之後和朋友吹水，講起呢個問題。我話：我知道某處有間上海理髮，或者會合心水。朋友真係真知灼見，佢話：搵到呢類師傅，好可能好快又要搵第二個喎。仆街！又真喎。

咁就好大問題。係咪要搵個遲過我死的飛髮佬呢？呢個好大問題丫。我點知佢幾長命？

＝＝＝

如是者，平常行街，我就留意，哪有理髮。。。如果係單理髮，我就駐足，望下個飛髮佬。是否細心，是否慢工。。。起碼有呢兩樣，都好過冇。

最後確認一個，八十蚊，好似好細心。

昨日去試。

只能話，係大頭文的六成功力。唉。。。我可以點？算罷啦。