莫以善少而不為

話說幾年前，在某公司做看更阿伯，就係一四年平安夜解款車跌錢的公司。當年轉了另一個盤，出糧個個月都好似有缺少，但係因為計糧方法實在複雜，開始都懶得去深究。但係持續多月都係咁，我就拎張糧單去研究，發現係有系統性地出唔足糧。向經理反映，得到的只是已讀不回，吊你老母，我唔撈！

同時，將糧單和我的計算，證實係系統性地被剋扣了薪金的證據，在同事群組中PO出。再和同事講解。。。結果，同事話、好似冇問題喎。

經理搵個助手來同我講，叫我留低，仲話提出個方案，避開呢個問題。佢仲承認，個系統係有缺憾，我地走盞下啦！我話：你提出方案做乜？我都提出左答案，就係吊你老母唔撚撈。你明知系統有缺憾，係幾時知，存在了幾耐？我話我應該去ICAC舉報你班冚家剷！

心有不甘，我就在FB看更阿伯群組上，公開呢件事。但係得來的結果，真係令人氣餒。留言話：我做過呢間公司幾轉，都未發生過如此問題。。。最仆街係：一定係你貪錢，去搵雞頭，搵多幾蚊，抵你死。

吊你老母！我就唔信我表達能力咁差。你睇唔明，仲掉轉頭來指責我抵死？！

之後，我就懶得做好人了。

到現在，我明白了有D人天生就係笨實，你捉住佢隻手，計畀佢睇，佢反而嫌你麻撚煩。

指出不公平事，希望大家不要上檔，本來係好事，但係被人生安白造，指責你貪心，呢個委屈，令人灰心。

你只能做的是，有好事就做，不望人地明白，多謝你。自己本心係幫人，光明正大。

＝＝＝

最近發現了一樣東西，叫燕麥糠，OAT　BRAN。

食完之後，睡眠質素大幅改善。可能我平時飲啤酒多，飲茶多，成日屙尿多，乜鬼礦物質維他命都屙走晒，有所缺失。現在廿零蚊一大盒，有排食，而且立即見效，點都食唔壞人，介紹下給大家。

喜歡就試，有效唔駛多謝我。唔喜歡的，關人撚事。