拖延症

返工時打開信箱，吊，收到綠信封。又要報稅。乜咁快又一年？

根據記憶，只要上網篤篤下就可以攪定。打鐵趁熱，返到公司，做完例行工事，就上網攪。不用五分鐘就完事，快過屙屎。

事後回想，如果其他事都咁爽手，我的生命可能可愛得多。

拖延症最大問題，係當你拖一件事，又會出現第二件，再拖下，又會有第三件。。。如是者，積下積下，成座山咁高，咁就更加唔會做。

有時又大條道理，返工咁辛苦，放工好應該休息一下，做乜丫做。咁就乜都唔會做。但係，其實咪又係望著電腦上網。。。

唉！都一把年紀，做唔做都冇所謂啦！隨緣啦！