問題在哪？

呢個世界點解咁多紛爭？無非都係蠢人多，正常人少。

我應該講過，以前有個中學同學，佢讀DIGITAL呢個字，係讀成滴即圖，將個ACCENT放在第二個音節。我話：有些事情，有規有矩，你不能自把自為。後來呢條友去當年的DEC應徵，Digital Equipment Corporation，佢又用呢個自創發音去稱謂人地公司，人地個HR同佢傾左一輪，最後頂唔順，話：我地公司名發音唔係你所講的滴即圖。

條契弟真係厚顏無恥，仲同我講返。之後仍然繼續滴呀滴咁讀。連帶佢個傻西女朋友都跟佢咁發音，真係害己害人。

就係有呢種人，係要標奇立異，我高你九等，你識條柒呀！其實佢出醜被人笑，佢都係要死撐。

＝＝＝

有樣野我係最近先明白。五行係乜？大家都應該聽過。金、木、水、火、土，大家自細都係咁聽返來。

但係近年，有D師傅，會講金、水、木、火、土。因為金生水、水生木、木生火。。。。好似好有道理喎。

到最近，有條茂里，仲講成木、火、土、金、水。又係跟A生B的原理來排。咁，咪應該有五種排法？邊個先係正式？

我話既：金、木、水、火、土先係正道。其他的排序，都係好似滴即圖白痴一樣，要標奇立異，但係根底全無，完全垃圾，呃飲呃食的無恥之徒。如果有不服的，歡迎大家開個壇，公開辯論。我夠膽話，一定無人敢挑戰我，因為佢地靠呃搵食，又冇料到，萬一被我踢爆，以後就乞米。

＝＝＝

但係呢個世界，就係咁，你有NOISE、有人捧你一下，你就變成大師。只因大多人都係門外漢。

＝＝＝

孔子之所以為萬世師表，佢唔係唔明白，太多白痴了，但係堅持有教無類。死都要博一博。

但係真係唔好嘥鳩氣，大勢所趨，人人都白痴，你做得乜呢？