惜福

早幾日和兩個老友去飲茶，天南地北，亂吹一通。發覺原來呢兩條友都做過袪斑，要成兩萬銀。我話：吊！你兩個花甲老翁，發老姣麼？一路行，天氣轉晴，一個就戴帽，一個就搽防曬，都話：大拿拿兩萬，唔做預防就白廢勒。

唉！兩個都傷病累累。坐骨神經痛，白內障，腎石，視網膜脫落。。。數唔完。其中一個現在坐低起身，條腰會痛。要去針灸推拿。我聽完之後，乜咁似食神老豆？但係忍住唔講。希望佢唔係啦。

講起食神老豆，最近一次見，係大家落樓，見佢拎幾袋垃圾，我就話，我幫你拎去掉啦，你返屋企啦。佢話唔駛，我仲要去拎淘寶快遞。咁，佢都應該冇大問題既。但係食神細妹就好似唔多妥。每次上天台，見佢攤響處唔郁，叫佢，佢只係微弱地回應。佢都年紀唔細，只能心中送上祝福。

同事阿康早前確診黃斑問題，最近詳細檢查，話唔知乜撚野增厚左，幫你排期做手術，但係估計要五年後。我吊！五年，人都死啦，仲做乜柒。佢話，一早都儲落D，預備呢類情況，個仔又出左身，唯有自費去私家醫院啦。

另外一個同工，四月頭就話要做頸椎手術。我聽完就問其他同事，咁大陣仗？咁一定係有好大問題先會冒咁大風險去做手術，但係問過幾個人，個個都吊佢老母，做又唔駛佢做，病假又放得特別多，一輪嘴係咁吊佢老母。咁我都同佢唔熟，唔知佢乜事。其他人咁態度、都知佢人緣好極有限。跟住五月更表出來，全個月放假。無人關心佢手術是否成功，只擔心少左個人，大家冧檔。

＝＝＝

耶撚話：喜樂，係最佳良藥。無撚錯丫，幾多人，未有病痛時，就全副心思去望人地仆街，唔見得人地好。太監陳我吊佢好多次，都費事再吊佢，佢現在應該受緊罪。

隨喜功德，你見人好，就戥佢開心，咁咪得囉。好似人地賭馬贏左，你話咁正呀？好野喎！咁大家開心，或者人地請你食飯。你見人輸錢，就暗暗自喜，抵你仆街，輸撚死你呀，輸到你老婆仔女都冇得食呀！咁你又有乜著數？人地輸左，你會贏咩？

＝＝＝

睡前調心調身調息，一呼一吸，吊佢老母，你地要仆街關人撚事，我睡得好，身體自我修復，少病少痛，你搶唔到我的快樂。