有粥食粥，有飯食飯

吊佢老母，呢間海皇真係正仆街。人結業，佢結業，擺到明我係爛撻撻，你去搵勞工處啦！但係又蠢到死老母，你明知出唔到糧，都要員工繼續做，好撚大罪。一定唔係大老細要頂，一定係搵左個笨實去食死貓啦。

記憶中，海皇我只食過一次。仲記得，係旺角道近金魚街的一間，都十幾廿年前了。食完覺得又貴又唔好食，吊你老母我以後唔幫襯。

＝＝＝

貴唔緊要，你真係有料到，我死慳死抵，儲半個月錢先來食碗白粥，我都心甘命抵。至弊你又貴又亂鳩咁來，我吊完你，之後就係唔吊你。

＝＝＝

講食粥，你班後生識乜撚丫。五十幾年前，我就在寶靈街近官涌街，幫襯一間叫新光的店舖食粥，呢間野仍然在，不過一切都不一樣啦。以前班侍應，手指公指甲係特別長，唔係玄學、風水問題，係工作需要。佢地端碗粥過你，隻手指公係插左半截落碗粥處。放低落檯面，慢慢抽起手指公，你先見到佢指甲有幾長。指甲係用來穩定碗粥既。

＝＝＝

中學時代，都五十年前了，在西營盤水街，一列粥檔，邊檔我未食過？你叫白粥，佢向爐頭叫米皇；你叫紅豆沙，佢叫阿津；你叫綠豆，佢叫海水。艇仔叫舟、皮蛋瘦肉粥叫下火。。。

你話：死窮撚，冇錢食飯，要捱粥水，仲巴巴閉。我話，好過你笨撚柒。我食既白粥、腸粉，係有米香架，你畀咁多錢，乜味都冇，正笨柒。

​＝＝＝

廿一世紀初，在荃灣街市街，仍有一間標記，通宵營業，粥品可算上乘。一碗艇仔粥，水魷甜，豬皮唔會有豬羶味，花生脆，貴都畀得甘心。

不過後來唔知點解結業了，原址再開的食肆，吊佢老母不吃也罷。

路德圍地點得天獨厚，新宏利就算冇冷氣，大熱天時都大把人幫襯。不過幾經轉手，一蟹不如一蟹，五年前我就已經吊佢老母，以後都唔吊你。

基本上，我現在只幫襯德華街和四陂坊兩間粥店。但係對上一次幫襯，見佢個蘿蔔榚，切到好似擦紙膠咁，每條邊都利到𠝹手，就知粉多過蘿蔔，或者再食多次，又要黑名單，以後都係自己來了。

總結就係，執啦執啦，你唔執就蝕多D。