又來

星期日去個悠閑盤開工，無所事事，望向遠處，係當年做咕喱的工廈。數一數，差不多十年了。

回想當時，會花心思去想方法，改善工作流程，現在只怪自己笨，公司搵笨，何解要多事，咪由得佢慢，關人鬼事。

又想到自己原本只是口旱旱，話不如做看更阿伯，被個多事的粗口成，講給樓下看更知，條友為了介紹費，推介我進入佢公司。之後的事情，都係隨波逐流般，來到今日的田地。

星期一，回到原本的盤上班。到兩點去頂位，點知崗位人影都冇個。走去休息室一睇，原來已經訓左。火都來，咁樣擅離崗位。。。

事後十分後悔，做乜咁多事？

星期二，覺得心情糟糕透頂。負能量爆錶。又來了。冇晒舒肝丸，只好頂硬上。

上IG睇，短片係貓咪失足的集合，睇一半就覺得很慘情。跳過。段段都心驚膽跳。

我睇明天要去水塘洗滌心靈了。