有時不能太認真

上次和朋友隊啤吹水，講到電動車，大家都有個疑問，到底個叉電頭係咪劃一。朋友話，應該有standard 的。我話，standard 的最大問題，係too many standards。

老友係電子專家，聽完好大感觸，話，吊佢老母，以前d RS232就真係玩死人。我聽到都同聲一吊。

現在的電腦，全部都用USB，應該再冇com port。以前的連接線，看上去就一樣，但內裏就九百九十九個接法，modem cable 就係其中一個，用錯線，會有不可知後果。網路線都一樣，係有好大學問。

所以，為了搵食，養成一個注重細節的習慣。亦都對知少少，扮代表的人，恨不得吊佢全家。你又唔知當中難處，就以為我兩下手勢就完工，係掠你水，搵你笨。同佢解釋佢又詐唔知，所以好多時攪到不歡而散。

而家脫離了呢個圈子，都要改掉壞習慣。因為有時會有不良反應。

就好似，我一向覺得，蝦係好似甲由。腳又似，最怕係活蝦，兩條鬚撩下撩下，似足甲由咁乞人憎。

今晚煮了一個芥菜番薯湯。夾開條番薯時，聯想起某次要驗身，提供大便樣本的經歷。

唉！反胃。