理髮論壇

今日的起心肝去飛髮。有兩個閒人在場，唔係理髮，純粹來吹水。電視做緊三姐教煮送。只見佢將一棵大白菜切了鍋裏蒸。個大叔就話，吊你老母，黃芽白煮蝦米粉絲咪得囉！不知幾好味。

跟住三姐就切午餐肉，厚切後煎。切一罐唔夠，切夠兩罐。阿叔話，煎午餐肉都要教？

跟住就煎蛋。蛋白和蛋黃分開來煎。跟住豆卜切條來煎。睇到呢處，我都頂唔順。吊佢老味，樣樣野都係簡單料，係要攪到咁複雜。大頭文立即就和議，煮呢D ，駛撚你教咩。

話題一轉，講華潤堂執笠。大頭文話，寒寒酸酸咁，貨品種類又少，梗執啦！我話，阿公錢，關人撚事。大家走入時光隧道，回想以前的國貨公司，貨品老土，拍晒烏蠅，全場售貨員都坐住訓。仲霸住黃金地段，條數真係襟計。

又講到南小館都執笠。唉！小籠包賣到十幾蚊一隻，點食丫。。。

而家乜都貴，連單剪髮都八十蚊一位。好在大頭文廿年來都冇加價，仲提供一個吹水的場所。