做人不能夠求其

昨日提到充電線的事，或者你會話我麻撚煩，唔得咪買過條囉！但係有時錯一次就好麻煩，救唔返。

我聽過一些求求其事，未至於攞命，但都笑死人了。

有人將洗地的清潔劑當洗潔精去洗碗。

有人想煎蛋，將洗潔精當作煮食油。

有個初為人妻，想煲粉葛湯去骨火，點知煲出一煲糊狀物，原來將芋頭當作粉葛。

話說我有支水牙線，狀似一支電動牙擦，不過擦頭係一個噴嘴，射水來清潔牙齒。最近又打柴，咁又要搵替代品。上淘寶網睇過，再去樂聲的陳列室睇，比較一下。

一入門口就見到目標。但總覺得有點奇怪。個噴嘴咁粗既。。。粉紅色的外壳，咁香艷？

睇真下，我啋！原來係用來洗屁股的。

如果我粗枝大葉，買左返去，塞左入口。。。真係人生的污點。。。