世界變喇

呢兩日有兩單新聞，都係由網上射膠平台傳出，然後報紙爭住報導的。一單係新裝修的電視牆壓死貓，另一單係顧客被當高賣，箍頸拖行五十米。

共通點就係，事情對事主造成情緒上嚴重傷害，引起網民一面倒的指責裝修公司和店舖。

先講誤會高賣事件。換著係我，有人箍頸，我一定係用九陰白骨爪，揸佢下體，再鎖喉，插眼，吐口水。結果就雙方都拉上差館，公眾場所毆鬥，齊齊入罪。冷靜一點的話，就立即報警，拉佢老母。

但現今世代就唔同，係先上網陳述自己不幸遭遇，訴說自己心理受傷，等店方發聲明道歉，網上群起指責店方，然後才報警。

店方道歉，即係佢錯啦！即時終止保安公司合約，即係保安公司又錯，保安公司即時解僱兩名保安員，即係佢地都錯。咁就我岩晒，咁樣情況先報警，就唔係擺兩圍和頭酒就可以解決囉。

唔駛報東張，東張都來搵你勒。

===

另一個責死貓事件，真係慘絕人寰，我當左貓咪係個女，你間無良公司，粗製濫造，害死我個女，叫我下半生都要自責內疚。

事主試過報警，但警方話貓咪唔算財物，告佢乜好呢？問過律師，律師話香港法例唔係點保障動物的，好難告。

咁就唯有上網數臭佢。裝修KOL撲出來抽水，咁就事半功倍。昌師傅就係其一。都唔駛專家出手，我都知道係師傅亂鳩咁來啦！我裝個電視架，咁耐都冇跌啦！

問題變左一個公關問題，你做室內設計裝修，公關識條撚咩，唔好回應，免得個樣黃左。執左間公司，換過個牌頭從新出發啦！

===

世界變得快，我地老人家，追唔上架啦！希望唔好咁唔好彩遇上呢種事啦！