甚麼我都有预感

傍晚時分，收到短訊。個朋友約我明晚隊啤。係就快做花甲新郎那位。

唔，有古怪。根據大數據作趨勢分析，佢六月約我，話十二月結婚，九月頭再約過，點解今次咁快十月頭又約呢？

照計呢個時期，正係如膠似漆，邊會有空檔？十二月結婚，婚前症候群的可能性可以安全地否定，因為冇乜人比佢有更多結婚經驗，更加冇理由搵個未結過婚的人來傾吐丫。

想悔婚？機會細，但不能抹殺。

另一個可能，就係六月時，閃過我腦海的，有BB。老人家話怕蘇蝦小器，冇返幾個月都唔好同人講。

我而家盤算緊到時點應對呢？好似六月時，吓，你講多次，我怕我聽錯。抑或，先發制人，扮晒料事如神，劈頭就問，點呀？幾多個月呀？

係咪好期待個真相呢？你八卦呀！