乜都貴

平日，會去買幾片方包，回家烚兩隻蛋，切個蕃茄來做三文治當早餐。方包五蚊四片，計埋其他食材，十零蚊，就夠頂到晚餐。

有日心血來潮，不如食個火腿蛋包，吞拿魚包。嘩！原來要成七蚊七個半，合共十四個半，食完攝住個肚角，好似未食咁。呢間包餅店出名經濟實惠，都要呢個價位，咁大集團包店咪唔得了？！走去大班一睇，佢老味，要十蚊，十一個半，以前話窮到捱麵包，現在咁講，會折墮呀！

星期日去自助洗衣。嚇死人啦，唔係有易服癖，而係又加價。洗衫由十六加到十八，乾衣由廿六加到廿八。好似加完冇耐咋喎。加到咁貴，又唔係次次有易服癖睇，好唔抵啫。以後每次洗衫，要摷多d衫，打爆部機，抵返條數。

咁，嚮乜柒都貴的情況下，都有得益。而家幾乎每餐都自己攪掂，用米和油靚d，少鹽少糖少油，多菜少肉，感覺身體都好左。自己煮，睇住天氣，節令來食，食材當造，又平又靚，外面的食肆一年到尾都同一餐牌，將來食藥仲貴呀！