還原

放假的日子，總係過得飛快。剛過去的星期日又要開工了。

放假大掃除只進行了一天，之後就理柒佢。正一係一曝十寒。不過總算做了些斷捨離，掉左d野，騰出空間，只要再的起心肝，就好易再進行了。

休息期間冇左時間限制，就冇左煮飯規範，即係懶得煮。結果星期日返工都冇煮飯，走左去大家樂食焗豬扒飯。唉！飯底好似隔夜貓飯咁，又乾又硬，以後冇幫襯。

幾時都係自己煮食最好，於是，返工時間，又動腦筋諗食。結果就係節瓜花生眉豆雞腳湯，食左兩日。又到大暑，計劃來個綠豆老鴿湯。

有時想，一班仍保持聯絡的舊同學，最窮一定係我，但係可能食得最好係我。

一個四十歲已上岸的，兩公婆成日叫外賣。另一個，佢老婆都愛煮兩味，但係星加坡福州人，唔識廣東湯水。同樣，另一個佢老婆係馬拉妹。有一個係賓妹掌廚，有一個話老婆體力不足以煮兩餐，都係餐餐外出食。。。

有一個咁有才學，涵養，仲識彈結他的廚師，我真係幸福。