每日一事

上回講到，要執拾家居，過左幾日，當然又冇進展啦！

其實唔係我懶，而係我太忙。首先，我每天都要準備兩餐，已經花好多時間，仲要爭取休息，仲邊有時間呢？

只好每日做一件事。

上星期五，我條開工褲爆呔，拖延太耐了，的起心肝補返佢。

星期六，收到稅局的退稅支票，走去銀行入左佢。現在銀行分行少，有入票機的地方少，入票係好大動作。

星期日，煮左個涼瓜炆䱽魚。又要解凍，又要清理，又煎又炆，好大陣仗。食起來，不如就咁豉汁蒸。

星期一，終於執拾了一下。我有一個膠箱，專門載電鑽，平水尺呢類工具，今次將兩件隨處放的架生放入去。

呢個動作意義非常重大。因為少了兩件亂鳩咁放的東西，霍爾木之海峽又暢通一點。

以後，我就每天執佢多一些，愚公移山，總有一天，會大功告成的。

另外，上班時間，決定用來研究賽事。現在距離開鑼有六個星期，每晚溫習，以我的聰明無敵，一定可以增加勝算。