昨日呀，真係好忙碌。
收工覺得肚餓，食乜好呢？好耐冇食過內臟，一於去食碗牛雜河啦！我外出用膳，通常都幫襯一些有一定水準的食肆，唔會輕易試新野，因為太多伏了。所以今次都係幫趁老相好。但係今次，真係好失望。
個執雜佬真係吊佢老母，每件都揀最差的給我，金錢肚霉到似塊爛抹布剪開，牛肺一半係氣管位，我呢世人真係第一次食到。最要命，係全部都帶點酸。信譽要長久累積，信任可以一朝破滅。我以後就唔吊呢間荃灣街市街的潮龍園。
返到屋企差不多九點，立即就要開工，幫個老細更新佢個YOUTUBE頻道和網站內的某些資料，因為我十點半約左人在港鐵站交收結他。好事總係多磨，硬係有問題出現，攪到差不多十點兩個字才攪掂。交貨畀老細，著返條褲就出發。
去到港鐵站，先去提款，八舊水，話多唔多，但係對我呢種窮L就係好大數目。提完款去約定地點，嘿！個妹仔已經到左，佢唔止準時，仲早到，真抵讚。我點認得佢？唏！呢個年代仲邊有人晨早流流拎住個結他丫。驗收，科水，收水，散水。
跟住抬個結他返屋企。重到呢～～～左手，右手不停交換，返到屋企，一身汗，連底褲都濕埋。梗係要買啤酒隊下啦。
一邊隊，一邊試琴。忽然想起，仲有單野未做，馬上連絡個客，佢點頭，我做野，發單收錢，佢畀錢，我講多謝。又攪掂一件事。
跟住，我就不省人事勒。再醒來，已經係晚上七點卅分。
仆街了！立即著褲，拎上袋袋就走。好在我樓下係多的士經過，一揮手就有車。個的士佬唔係好識路，不過我都唔識。照睇佢就行左條笨實路線，但係我都濛鳩查查，算罷啦。
去到目的地，遞上紅衫魚，佢找返四十零。好在，今朝有收入，感覺冇咁傷。上到去打卡，１９：５８，及時趕到。跟住就煩了，急忙中，冇帶水樽，連煙仔都冇，印象中，我係飯都未食。
問巴基之勝最近的七仔在那？講出我的困境。佢從背包中拎出一袋蛋榚仔給我頂肚，講，七仔，好撚遠，向南要行九里，向北都係九里。
跳九里！冇辦法，都要去啦！和同事交帶清楚，就出發。最後，呢一夜，總算有水飲有煙抽。
哎哎～～～真係老退得快～～～
沒有留言:
發佈留言