依計行事

放工，依計劃煲湯。先要買鴿，最好就老鴿，冇就乳鴿都殺。山長水遠去到大街市，行兩檔都係乳鴿，五十幾兩隻，好。買埋綠豆，就回程。又要買麵包做早餐。煙仔又要買，順便買埋啤酒。。。真係忙。

途中離遠見到食神老母和食神阿姨。可能呢個時候叫個妹來陪伴下。

返到屋企，就發揮我的執行能力。先烚雞蛋兩隻，浸洗蕃茄一個，用來做三文治早餐。又將兩隻雀仔啤水解凍，浸綠豆，陳皮，海帶。

趁著呢個時候就開個大，沖個涼。攪掂就當然要開罐啤酒啦。到一切浸妥，就開始汆水和煲湯，攪妥晒，就整三文治。食完都成十二點，拿拿聲上床去。去過一次廁所，再醒已經五點。飯都唔煮，食鴿飲湯做晚餐。

咁繁重的工作，抵唔抵呢？都抵架，因為食完兩小時後，個肚就作動，拉了一大堆。感覺清空了一切暑毒，心情都變輕鬆。

=== 

我的短期計劃，就係執好屋企，然後就認真的去練結他。因為我有一個夢，就係home studio，玩錄音。

另一個工作就係好好跑馬。對上兩個月，我感覺以前的我已經返左來，對馬匹，賽事，有返感覺。只要落足心機，係可以搵兩餐的。