本來上個月就準備好一切所需，但係想到十二月就兩蚊搭車，就等到今日，等頭髮長了，才出動一次過攪掂。
我先去牛頭角理髮，再搭隧巴去金鐘，辦妥事情，見搭車咁抵，就搭車去西營盤，行了一轉，再行去中環，搭車回家。兜咁大個圈，只係八元，真開心。
===
我當前第一任務，就係要睡得好。想來想去，佛祖其實一早有訓示。只要去掉貪嗔癡，心境就平靜的七七八八。唔會日日都好似昨日咁邪，撞到個易服癖咁驚嚇卦。
其中，嗔怒真係好大障礙。不過，以我的聰明無敵，我解決了一個又一個的魔障。
例如，放工搭小巴被打尖，原來唔單止阿婆係咁，連柒頭都係咁。吊你全家！咁排隊來托柒咩？不過我想到方法，就係唔排隊。唔係話同人鬥打尖，而係企埋一邊，等成條龍都上晒我先上。咁樣，阿婆同柒頭就冇可能打到我尖勒。我仲可以冷眼旁觀，拿拿拿，呢個阿婆又打尖勒。幾得戚。
又好似姓周個傻西棄保潛逃，仲扮晒受害者，令人髮指。但係以我的慧根，就睇到事情的真相。
試想想，如果姓葉，姓張的悍匪劇盜，話警察嚴密監控，剝奪了佢打劫的自由，又通緝佢，令佢惶恐不安。於是一走了之，這輩子都不回香港。你聽到係咪笑到甩牙，仲開心到擺幾圍慶祝呢？個傻西最多都係判佢幾碌，而家佢自我遞解出境添，更慳返訴訟費用，時間，人力物力，係咪香港之福？
另有間書店，又係扮受害者，話成日被無理投訴，要執笠了。辰衝呢間老店，開在旺區都要執啦，你開埋d扮上菜地區，做得住就怪。呢條街乜野最出名呢？係濟公廟。平時人都唔多個。呢d扮可憐博同情的，又係笑甩下巴。
仲有班惡人先告狀的，個所謂男神，闖入立法會，現在又冇得撈，又面對訴訟，成日出文賣慘。引來一班人講乜野正義必勝，好人一世平安。你睇真d，呢d留言，即係話茅有茅輸，撚人整定茂監，幾咁大快人心。
又有個肥柒，開口就話明就明，唔明就黎明，擺出一副，你識乜丫！咁既死樣。其實佢當年衰左，坐監都要撈著數，去做通波仔開公數。而家政治生涯壽終，教席又冇可能，唯有扮勁的一條可憐蟲，佢講一句，我笑足一日。
你話開心唔開心呢？真係笑住訓，訓著都笑出來。
沒有留言:
發佈留言