明天，大家一定要投票。

大家記得嗎？上次區議會投票選人，我個老友話，只要你掛住民主牌頭，你叫你隻狗阿食神去參選，都一定當選。

上次選舉，記憶很深。因為早一日，老友嫁女。當時日日掟氣油彈，深水埗，太子警察局都被人圍。不過好奇怪喎，投票日前一晚，好平靜喎。我地去婚宴，打麻雀，食乳豬，食到尾，都乜事都冇喎。學Ｄ仆街講，明就明，唔明就黎明。一切都係軍事部署。

結果點呢？選左，當選左，個個用辦事處做初選投票站，跟住要宣誓，立即個個走夾唔抖，辭職去也。

老人家，喜歡回帶。再之前的區議會選舉係點呢？我所在的一區，有個區議員叫陳金霖，剛巧，我就住在佢辦事處的樓上，足足一年，我都未見過個辦事處有人出入。

毗隣的海濱區，個議員成日攪歌唱班，演唱會，自己上台，唱個不亦樂乎。

有乜結論呢？我話，大家一定要去投票呀！因為，我呼籲大家唔投票，就會被人拉架啦！