三文魚骨湯底打邊爐

近日感冒纏身，收得鼻水，又咳到肺痛。咦！早前政府派的蓮花清瘟，有冇用呢？摷返出來，一次四粒，一日三次。就試下。

都唔理得咁多，至緊要食得好。心諗好耐冇整三文魚骨，星期日晚休息，就來個骨骨湯底打邊爐。四出搜羅食材，攪左一大爛餐，先預備好個湯。

打邊爐常常都眼闊肚窄，又試過量預備食材。只好將有剩的放入雪櫃。睇多陣電視，就上床去也。

點知睡夢中，又覺得有暗湧。朦朦朧朧間，想放屁。。。睡夢中都有三分醒，知道一放屁就會一褲都係。只好爬起身去廁所。哇！乜事呀！屎流不止！稀稀爛爛的。。。打邊爐食物有問題？冇理由。只能歸咎於蓮花清瘟，可能太寒涼，令我拉肚子。

＝＝＝

屙清楚後睡意全無，開電視睇新聞。睇得就睇啦，遲可以能成間電視台都執鳩埋。睇到一段，有個傻西，話去左加拿大，今世都唔返來。

第一反應係拍手掌，又冇樣又冇身裁，走遠ｄ仲好。再想，你真係傻到死老母。你擺咁高姿態，人地加拿大一定收留你咩？除非你一早入左加藉，否則讀完書，人地唔一定留你。你而家咁巴巴閉，人地都怕左你啦。掃把趕你都仲得。

網上新聞話，佢被國安帶返大陸參加乜乜班，去睇中國有乜建設，又要寫文，又乜又物。

都唔明，而家ｄ人，咁鐘意扮受害者。

你記唔記得，你係去警察總部，煽動人圍警總喎！你做過的事又唔講，淨係講人地攪你？

＝＝＝

又令我想起舊事。好多人都係咁，自己做的，就抹左佢。以前我真係太厚道，被人欺侮得太慘。有次和合伙人攪得不愉快，約出來四四六六拆解。

條仆街一開口就話：拿！以前ｄ野唔好計，咁咁咁咁。。。

我吊你啦！冇以前ｄ野，洗撚坐響處傾咩。

如果換著現在的我，我一定話，好！以前的野唔好計。然後一個啤酒樽爆佢頭，拿，等一等，一，二，三。以前ｄ野唔好計，我地從頭來過。再拎個樽再爆佢頭，拿！等一等，一，二，三，以前ｄ野唔好計，從頭來過。。。

重複七十個七次。