今晚冇煮飯

今朝收工，又餓又凍，走左去食碗雲吞麵。因為近來出現臗關節痛，所以食完麵就去買牛大力土伏苓來煲水。拎到一袋二袋，就冇心機買送。

返到屋企，見地主老爺個位太耐冇清理，十分慚愧，的起心肝，大掃除。攪到一頭煙，午餐都係落街買飯盒算數。食完就訓，結果成五點半才醒。都唔夠時間買送煮飯，今晚就益下大家樂啦！

睡得是福，起碼我心安理得，先至訓得著。

===

時間變得充裕，於是沖壺茶嘆下，一邊上網睇視頻。我睇來睇去都係幾大類的視頻，其中之一，係人物訪問。我肯定，有些人會將事實修飾過，但咁多年，條友仲有人訪問，一定有某些地方與人不同。

撫心自問，人地咁成功，我一事無成，大家相差甚麽？其實只差一里。成功的人都go the extra mile ，多走額外一里路，加加埋埋，就走到火星咁遠。

曾經有個舊同學講，阿邊個邊個，大家同一間學校出來，而家做了甚麼甚麼行業中的頂尖人士。我話，人地讀書時放假都在溫書，我地做左乜？

打麻雀。

跟住大家都收聲了。其實我仲想到很多。人地暑假去累積工作經驗，一畢業就搵到好工。我做左乜？打麻雀。上班後，人地假期休息，好令有精神再博殺。我打麻雀。。。

不過我夠膽講，我問心無愧，所以我心安理得，訓得著。