邊爐停下了

今朝比昨天更凍，繼續打邊爐。昨日買了雞湯作湯底，完全唔掂。今日從倉存中找來北茋麥冬無花果來熬湯，食到最後，加兩個麵餅，連湯飲埋，不知幾正。

今次最大成就，係清了倉底存貨。好似有札粉絲，不知何年買的，今次消滅了，安樂晒。

===

天氣冷，除了食，另一個節目就係沖涼。在家中坐得耐，始終會沾寒沾凍，縮下縮下，就會肌肉繃緊。成個人週身唔聚財。

沖個熱水涼，用個擦，擦勻全身，經絡好似暢通百倍，真真舒服到鬆毛鬆翼。抹乾身後塗上馬油，就唔會屎忽痕癢。再修下手甲腳甲，成個人就新既一樣。

但係數年前，連登上就有大量貼文，埋怨天冷時，儲水式熱水爐唔撚掂，沖涼到沖一半就變冷水。更有人叫呢種做處死式熱水爐，充滿負能量，好似全世界欠左佢咁。

但係，今次寒流，又唔見呢類貼文喎。好簡單，係一種文宣，將傻西懵卵洗腦，遇事只懂埋怨，控訴全世界，但又唔去想辦法解決問題。

我都係用呢種熱水爐，又唔見我埋怨？因為我自己想方法解決問題。最初，我係先用大膠桶儲起一桶熱水，再等熱水爐變得足夠熱，才開始沖涼。當熱水爐冷卻，我就用先前盛起的熱水繼續，用完呢桶水，熱水爐又可以接力了。

再後來，發現了一個更簡單的方法，只需廿九個九銀錢，去姨媽傢俬買個最簡約的花灑頭就攪掂。原理好簡單，中學物理都有教，冷水和溫水適當的混和，就會產生熱的感覺，於是，熱水用少了，儲水器內的水足夠你舒舒服服沖一次涼。

咁點解我識，而班後生仔唔識呢？你睇下，當日教協解散的速度係何其快，並唔係冇原因架。

又睇下現在，要成立乜乜物物委員會，去解決學生自殺問題，就知幕後班人，係幾咁喪盡天良。

或者你話我悲觀，陰謀論。。。不如你講下點解職工盟要解散，個傻西要去取走佢家姐的電話和電腦，而家判左半年監？