戇鳩72小時

 我先前從網上採購左兩支結他，目的之一係奴役我的手指我腦袋，聞說咁就冇咁易老人痴呆。當然，我都好喜歡音樂，尤其是結他音樂。

前後都差不多三年，但係一事無成。結他都係好精細的樂器，有好多野要細心調整。我上網睇左好耐，學結他差不多變成維修結他。

老遠的時代、就淘寶買了一大堆東西來優化我的結他。不過又係果句，買左返來就擺，擺到抵唔住頸先至做。

於是乎，結他鋪塵，都未動手。

到前日，終於動手，拆晒弦線去清理，細調鞍位高度，攪一大餐就上弦。仆街！最幼一條斷左。

一套六條弦，斷左一條，咁點呢？最好買返同型號一套，只換一條，其餘五條，留返下次用。

第二日，走去琴行，陳列架上搵極都搵唔到同型號的。走去問個售貨員有冇呢隻乜乜物物的貨呀？佢立即上網去谷歌。大佬，我要知你個倉有冇貨，你谷歌托柒咩？我同佢講，我之前在此買過，想知倉內有冇貨。佢唔鳩理我，繼續谷歌。三分鐘後，佢指住個芒，問係咪呢隻，我話係囉。然後帶我返去陳列架，搵一大輪，呢隻咪係囉。我吊你老母個老母啦，我同你講左，係呢隻牌子，phosphor/bronze ，extra light guage，而家三樣中兩樣你就交貨？

我話：吊你老母啦！拎左bronze ，extra light guage就去埋單。

今朝，繼續努力。幾經辛苦，終於換好，調好音，修剪指甲。終於有好聲。

＝＝＝

網上有D視頻，主旨係教你做個開心快活人。其中一個，題目係：別讓他人的錯懲罰你。

你都白撚痴。如果呢個世界，人人都正常智力，正常行為，邊撚度有咁多苦惱？人就係日日被他人的錯，不停受無謂的懲罰，咁先至咁多人火滾，開口埋口吊人老母，講唔夠兩句就開拖。