在位者

昨晚和日更同事吹水，講到佢以往經歷，聽下都氣憤。

之後成晚流流長，又想起好多往事。唔係好古舊，三幾年啫。當時在一個大集團旗下的店舖做紙板公仔。某日一早，集團NUMBER　２突然話要帶班客人來參觀。但係當日，係定期大清潔的日子。

經理阿姐，打晒鑼叫傻西懵卵要醒定D，說時遲、那時快，清潔工人來到。我就問阿姐，點呀？傻西阿姐，冇反應。

結果，清潔工進場，又水桶又吸塵機。不久，NO。２來到，自然就係好唔順暢。臨走時，NO．２問我，做乜有個水桶放響處架？我話：每月第一個星期一，都係清潔時間。有個水桶，係好合邏輯的。條友身為NO２，當然吹我唔漲。唔會拍檯拍櫈啦。

你嘈都冇用。第一，關我撚事咩？第二，你鐘意來就來，唔問下條馬先？第三，你條馬知你落泥，唔妥善處理，關我撚事呀。

＝＝＝

傻西阿姐，之後極速就離左職。關唔關呢單野事就唔知勒。

不過，我問你清潔工進場，點處理？你拎兩舊水出來，叫我拎畀佢地去食個早餐先，到時到候再叫你返來清潔咪得囉。

我作為一個看更阿伯，唔通教你做野咩。

你坐得呢個位，有事唔識反應，關人撚事囉。