時也命也

昨日新聞，話某餐廳集團，將會關閉旗下若干間餐廳。曾幾何時，我都在此餐廳酒吧內消磨了很多個晚上。後來醒悟，歡場無真愛，酒場無真朋友，就絕跡呢類地方，當時認識的所謂朋友，通通不再來往。

今次關閉的，包括當年光顧的那間。

當年有個侍應，係一個陽光青年，工作勤快，待客有禮。聽聞一畢業就在此工作。不久就得到調升至其他分店，最後，輾轉返回原店做經理。呢間野的經理叫Managing Partner ，係要交出一筆錢作按金，然後可從盈利分紅。我係經過門口，見到個牌寫上呢條友的名字才知此事。當時仲替佢高興，讀書不多，憑勤奮努力，成就一返事業，可作後生仔的榜樣呀！

當時我已經離場，不知生意如何，但大家都知，三年疫情，大部分餐飲業者未死都重傷，到現在宣告死亡，可見都傷到入骨了。

有時候，真係半點不由人。可能其他hea霸同事，炒下散，唔高興就鬧下個客，反而唔會咁傷。