趁我仍記得

上回講到，個日更同事，向我訴說佢以往的事。當時佢老細同佢講，你學歷低，逗呢個人工，你覺唔覺得對公司有所虧欠。

我聽完都火起。呢種仆街，無非想剋扣人工，做撚死人。最後呢個同事辭左職，接手的人，做唔得幾耐，做到思覺失調，個老細搵佢出來食飯，想佢回巢。當然冇應承，寧願去做保安。原來件事已經二十年，條氣仍未順。

呢兩日，呢件事不停在我腦內轉。下意識回想起幾件事。第一就係文雋訪問蔡瀾，講到方逸華，文雋話：如今方小姐已過身，有功有過。。。蔡瀾立即搶住講，佢成世都冇好過。

令我又想起，楚原在金像獎頒獎禮上提到，方逸華在臨開鏡前撕爛通告，取消拍攝。話套戲蝕左錢，你賠唔賠得起呀？你根本唔識電影。

開頭我想到的，點解事隔咁多年，人都死左，你地條氣都唔順呢？但係突然靈光一閃，我錯重點。

有D人，本身乜能力都冇，唯有就去打擊人，講到人一文不值。方逸華有乜本事？咪就係有個西囉。

我地唔需要做好人，去原諒人，人地打你左邊面，畀埋右邊佢打。而係睇清事實，有D人成個人就係西，靠出賣自己個西去上位，然後就將有能力的人踐踏，令佢不能翻身。

如此這般，想起太監陳，就想起一個週身西，只會奉承另一個週身西的人去上位。哇！想起都臭呀！