香港精神

奧運一開始，香港立即就拎左金牌。跟住連登就有好多POST，話張家朗何詩蓓一定收皮。網上直播，有香港運動員的比賽，就有人在LIVE　CHAT為敵方打氣，叫香港收皮。

其實全部都係太監陳上身，自己垃圾，乜能力都冇，就見唔得人地好。

我睇連登，只係想知現在香港新一代點諗。睇耐左，就知道係一班廢人，幻想連登FRESH　GRAD個個都月薪五萬。一個二個毒撚，溝唔到女就話港女個個都係雞。再講得殘忍D，其實係一班文盲，連買和賣都分唔清，過和個都未識分。

串連埋過去十年所發生的事睇。乜野魚蛋運動，佔領中環，反修例。。。其實全部都係一班太監陳，自知永無出人頭地的機會，但又唔承認係自己冇天份，更從來冇努力，有人煽動，就乘機出來攪破壞。仲唔知醜，講到明係要攬炒。我呢世就係地底泥，你都有錢冇得享。

有外國評論話香港走下坡，會淪落。我認同。唔係因為２３條唔係國安法。係一班年輕人，好食懶做，只知吃喝玩樂，見人好，就太監陳上身，我雖死，你都不能活。

但係，你睇下事實先啦！你想人死，人地唔似你呢種垃圾，一味將責任推落他人身上，人地一心就要成功，就算落後，都絕地反擊，取得最後勝利。

你繼續巧言令色，但係失敗的，就係你。人地得勝，你冇份，你係失敗者中的失敗者。