爛鳩晒

最近壞完一樣又一樣。先有兩部收音頭。我當佢年老壽終啦！

跟住一不小心，跌爛個煲蓋。咁，可以用平底鑊蓋頂檔。

跟住個電水煲，側面透視窗，老化漏水。其實早一排就發現有水漬，都知乜事，昨日就好似瀑布咁流。冇法，唯有掉左佢。想起好多年前買了一個旅行裝的電水煲，原意係帶去開工，煲水沖茶的，後來漂泊無定，就塞埋一邊。如今又要徵用了。火力，容量都細，是但啦，唔用擺得耐，佢又自然死亡，咁咪唔抵。

我現在的心態係得過且過，用到就算。食神老豆就唔同。早前某層樓梯燈壞左，佢整下整下，變成幾層樓的燈都冇電到。佢愈攪愈大，結果由地下一路到天台，從頭放電線喉拉過線，全部換晒led燈泡。

大佬，你七張幾啦，唔好玩咁大啦！我就寧願鑽研下烹飪，食下好野好過。