其實我和呢間公司都有過交集。大約一年前，我都被公司派去呢間公司工作。佢地個員工，相處久了，就問我有冇意思跳槽，問我幾多歲。我話我戇柒鳩（潮州話五十九）。佢就話咁就有點難，因為佢大佬揀人，首要係要年輕。佢話佢地人工唔錯，比我當時工資幾乎多出三份一。
當時我都無何奈可，我話我體能係四十歲、有冇人信？更恰巧和公司講好，長駐現在這個盤，之後就冇再幫呢間公司工作。雖然覺得有點可惜，但係只好作罷。
咁～～～今日聽到佢地出問題，又會唔會慶幸冇上船呢？昨晚想了一晚，想到舊約聖經的約伯記，天地係誰主宰運行，晴或雨，誰能定奪？關你撚事。你做你自己就得啦。
雖然鬼子佬好多都係耶撚，但係佢地對約伯記的理解，顯然和我唔同。佢地就算仆街冚家剷，都話係神為佢度身訂造的人生遭遇，係最好的安排，要你含撚就服從地含啦，他日一定安排條友幫返你含，到時你就笑住咁望住佢啦。就算你在生時，佢都係壓住你，死後你在天堂，佢在地獄，你睇住佢日日含撚，你係笑到最後的人。
仲聽過一個講法，點解有人咁憎你呢？三個原因，一、佢能力不及你，覺得你對佢有威脅；二，佢自知拍馬都追唔上你，所以出盡力憎你；三，唔記得左，總之就係自欺欺人的說法。總的講，就係抬高自己，踩低所有其他人。咁事實係點？你低能你梗係唔知啦。
我咁撚憎太監陳和個仆街老細，就係佢地完全無能力，覺得我係佢地最大威脅，而要做鳩我。佢地能力拍馬都追唔上我，我都幫佢地攪掂，冇嫌棄佢地低能白痴，佢地反而來坑我。
即係話，一班人，用一大堆歪理來合理化佢地的低能，指黑為白，講成自己係天選的人，你地所作所為，都係唔抵得我本事。地球圍繞太陽轉，地球上所有人都係圍繞我轉，我係主角，你地生存，只為襯托我，輔助我，服侍我。
很不幸地，香港新一代，大部份都係咁想法。
咁老坑應該點自處？一早聖賢講左啦，六十耳順。人地笨實，你就嬲，咁每日一出門口就嬲到夜晚返屋企啦。
沒有留言:
發佈留言