虛妄

昨晚其實不太熱，但係都搬張沙灘椅上天台訓，為的是緬懷食神。涼風爽爽，睡得很甜。

醒來六點，去食個早餐，就上水塘。

上到去，準備起步，就雷聲大作，急急搵地方避雨。雨勢很大，又冇帶遮，只有乾等。你等，佢雨勢就愈大。冇得和個天拗氣的。想返起昨晚，其實都係一種自欺欺人。食神走左幾年，懷念乜鳩丫。佛家講，一剎那間就有八萬四千個妄念，你想來想去，都係虛妄。好似我成日想執拾好屋企，想想想，想完都冇件事，仲唔虛、仲唔妄？一切念頭，你唔實行，就連個屁都不如。你放個屁，起碼惹到人地翁起口鼻，臭到人地吊鳩你，咁就實在得多。

雨勢終於轉細，可以起行。好多熟客仔都冇出現，只有幾個死硬派堅持全天候行山。

關人撚事，我只要一上到來，與天地合一，我的精神狀態，就得到平復，心中感到寧靜。

回程又急屎，快快趣買隻糯米雞，返屋企屙完就開餐啦。