殘酷但真實的一句話

開間餐廳，食物出品垃圾。咪就係飲食業死因囉。唔係因為肯消費的人移晒民。

我老人家長氣。以前去茶記食個餐，杯餐茶餐啡，係用個迷你杯上。要正常份量的奶茶，就要加錢。而家，都係屎水一杯，幾大杯都得。況且、叫米粉總有條公仔麵，叫通粉就有幾條米粉，叫公仔麵又有兩粒通粉。你夠膽就叫個伙記來質問，最好你帶把AK４７去，一言不合就掃鳩佢。

而家，真係要幫襯、我只叫熱檸水。起碼唔會飲壞人。

四大名店梗係仆街啦。麥記我好多年前已經叫大家唔好幫襯，所有油炸野，都帶苦味，億年油呀。

大快活D肉燥飯，我飲得啤酒多，拉出來的，就係咁樣。

大家樂，我飛髮佬阿大頭文都話，晚餐一個所謂小菜，加所謂冬瓜盅，要七字頭呀！佢最近推貴妃雞免斬只係六十蚊一隻，我都懶得啋佢。

美心就因為地點關係，少幫襯，冇搜集佢黑材料。

咁點呀？咪幫襯兩送飯囉。一樣咁差，但係平一半。起碼我可以揀D菜，食完屙得出屎。