呢個世界，幾時有公平架～～～

人年紀愈大，就會遇到愈多不公平事。

加拿大鬼好喜歡講：It's not fair! 跟住對方就話：Who ever told you life is fair.

當年在傻西懵撚盤工作，傻西想踢我走，就話我咳。個經理同我講，我吊佢老母啦，傻西成日唔戴口罩打乞黐，反過來話我咳？！仆街經理話：呢個世界邊有公平丫。

後來傻西吞卜，早幾個鐘頭就收工走人，懵撚亂咁來穿左煲，佢個臭西阿姐，識穿件事，要走的唔係傻西，反而係我。世界邊有公平丫。

後來個仆街經理唔出年終花紅過我，問原因，佢直頭唔啋我。到後來我發現，原來個個月都出唔足糧，追問佢，佢爛撻撻咁講：係你既始終係你既。完全冇提過會跟進。

火都來，劈炮唔撈。然後捉住佢在WHATSAPP的詐騙行為，就在CAP圖同事的群組公開，我話：誠信係一種高尚的品德，不過唔係人人都有。佢私下回覆我：好的，計漏的，會補返過你。我再CAP佢圖，在大群組唱鳩佢：大家作證，因為呢條友絕無誠信可言。

＝＝＝

講到咁遠，又關呢個視頻乜事呢？個主旨都一樣架！世界邊有公平丫。

呢位姐姐仔，拍呢D片真係好艱辛。但係只得千零個訂閱，出片十日，不到三千VIEW數。呢個世界真係唔公平。

要追根究底，只能夠怪世界唔公平，你睇D著BRA　TOP既行山片，憩下憩下，就萬九幾個VIEW啦。