這個夏天

今個星期一，一早起身去洗衫，然後去行山。但出發時，已經出汗出得不似人形。平時行山只帶一樽蒸餾水，今次要買多支雞骨草。山上邊有樹蔭，行的時候很爽，但係其實出汗嚴重，到四分三行程，就已經飲完成支水。

知道唔對路，立即改路落老圍，去到圓玄學院，第一時間買罐可樂，一來補水、二來補充糖份。我睇跑馬，見一D騎師因為要造磅，夾硬節食，身體其實係嚴重透支，一完成賽事，立即就開罐可樂，不顧身份，坐在地下飲。咁我呢D老坑，當然要學啦。兩啖可樂到肚，個人放鬆了，就不得了，腿開始發軟。我估在山上汗水狂流，身體已經接近崩潰邊沿。扶住欄杆，慢慢飲完汽水，再等糖份吸收，回復正常，先敢離開，搭小巴回家。

天文台的天氣報告，叫呢個做極端酷熱天氣。

到星期二，天氣更熱。接近中午，烏雲密佈，開始聽到雷聲。天文台叫呢D做酷熱天氣引發的雷暴。我吊你老母啦，咁撚多專業名辭，把撚咩。以前好多次，都係只聞雷聲響，但係落唔出雨。今次，始終落出，仲好甘。但係落雨之前，真係去到臨界點，有點頭暈。雷暴加黃雨，終於有好日子過。

星期三係立秋，但係冇雨，好熱。不過曆法真係好準，一到立秋，暑氣就唔會隔牆而入，在家中可以頂得住。

星期四，前一晚算做散熱快，一早可以涼快一點。但係日間仍然熱到仆街。我下午有事要外出，行了幾步就覺得唔妥，好口乾，辦完事走去麥當奴，貪佢冷氣夠。但係食物和飲料都好撚貴。聰明無敵的我，離開老麥，直奔姨媽傢俬。十五蚊就有熱狗和無限添飲的汽水。熱狗不提也罷，包皮乾硬，腸冇味，笳汁、芥辣都冇味。我目的係飲汽水，連乾兩杯。如果唔係明知糖水冇益，會再飲多杯。

其實平心而論，這個夏天比去年夏天好過。今年只係大暑的一個星期，和這一個星期比較熱，其餘日子，都係雨水多，又冇颱風。君不見去年又十號波又黑雨，黃大仙商場水浸，幾撚得人驚。熱起上來，真係黐鳩線。

不過天機難測，可能呢兩個月，先至熱撚到仆街。唔撚好理天文台講乜，自己知自己事，執生啦。