心痛

今朝收工，心中盤算做包子的事。最簡單的方法，係買件雞扒來做雞包仔。但係話晒係第一次，有冇更簡單的呢。哦！不如買罐回煱肉做餡啦！

過程不細表了，但係當中論論盡盡，打爛左隻湯碗。唉！真係傷心得要死。隻碗係早幾年疫情期間，政府派錢，花成舊水買的，好貴喔！

雖然包包做成功了，食而不知其味。

心情唔好，偏偏電話響起，係騙子電話，收佢線。點知即時又打來。

我想起個網上笑話，就照搬過來。講，你要呃我幾多，你直接講丫。對方啞口無言，我再問一次，佢都唔出聲，就收佢線，跟住就冇再打來了。

世界變得瘋狂，要用更瘋狂的方式應付。