今天衰收尾

阿頭休息，得自閉仔，巴基和我們兩個外援。另一個外援來過幾次，年輕，一言九頂，扮醒目。

到今早七時十五分左右，以為就快收工。點知警鐘響起。

走入管理處，睇到係B座響警鐘，就同自閉仔講，我落去，消防來就帶佢地入PANEL房。呼喚巴基，自閉仔話佢收早，已經走左。落到去，問扮醒目靚仔，聽到警鐘嗎？佢點頭。我都費事多講。見到爆炸，你會唔會嗌機呀？警鐘響你睇戲食花生呀？

消防到來，我嗌機通知自閉仔和帶佢地去PANEL房，同時叫扮醒目抄低車牌和時間。PANEL話係九梯九樓，要等自閉仔拎鎖匙帶領。此時，又有另一輛消防到，都係第一次見一次過來兩部。我望向扮醒目，指住新到的消防車，示意佢抄車牌。扮醒目個屎忽有膠水，安坐如如不動，只係點點頭。大佬，你企出來扮下緊張丫。

我都係外援，幫不上忙，九梯九樓，用邊條鎖匙，我知條柒咩，此時只望日更同事返到，多個人鎮場。偏偏今日星期日，到七點四十分都未有人到。

最後發現都係誤嗚，消防退場。扮醒目靜如深海，大佬，你都要通報一下消防離場架，人地要知個時間落簿架。

呢一行好多行內人自己都睇唔起自己，成日話有呼吸就請。其實係，冇事就冇事。呢句話，對每一行都通。先前電腦軟件故障，航班誤點、取消，咪仲撚大鑊？有起事來，點處理？就以爆水管為例，一定係做三樣野，將升降機升至頂層，鎖機以免損壞，因為金額動輒過百萬。閂水喉。堆沙包。

咁我問你，先後次序係點？廿樓爆水管，你做邊樣先？鎖升降機？但係沙包在地下。你搵幾多人搬沙包？

慳返啖氣。