嚇一跳

天涼有雨，係睡眠好機會。斷斷續續睡到下午四點半才醒。決定落街買送煮飯。

經過信箱，有我的信，係稅局的。急急拆開。嘩嘩嘩！要交錢？？？

睇真的，係喎，要預繳喎。幸好明年先到期。或者到時我發左達，或者死撚左，或者。。。到時才算。

去附近菜檔睇下，十蚊三份細細份，都唔要求太多。拎起就搵人畀錢。職員個個扮忙唔做野，搵到一個大嬸，佢扮無可扮，就想指我去搵另一個大嬸，呢個大嬸就好野，預判到呢招，一個轉身，然後橫移，已經係九丈之外。

大嬸避無可避，唯有收錢，入袋。呢檔野養咁多倒米壽星，仲唔執笠，真係奇蹟。