當時廿幾歲，當然冇理會。
到四十歲左右，天一黑，好似屋企有鬼咁，就流連酒吧。七月份就真係有些怪事發生。
當時一班豬朋狗友，經常吹水吹到人地清潔完，拉閘先走。夏天多數著短褲，有時會覺得好似有水點濺到小腳上。以為係伙計拖地，但係回頭望，又乜都冇。
當時我經常去竹林禪院，有時會有一些檀香木的手鏈，贈送給信眾，我都拎左一條。係有香味，但要隊埋個鼻用力索先聞到。
試過幾次，七月份在酒吧飲飲下酒，會傳來一陣檀香味。
係覺得奇，但又冇特別事發生，都不了了之。
今年七月就更奇怪了。可能係年紀大，陽氣衰，百厭星走來攪攪震。
先有跌爛眼鏡，煲蓋和湯碗，湯碗跌爛，係碎成一支支牙簽咁，右腳就中左三箭。
前日朝早去巡邏，被門夾到手指，痛到吊佢老母。做左成年，個動作已成慣性，冇理由會出錯，當時感覺係道門突然加速關上咁。
煮涼瓜黃豆湯，黃豆跌到一地都係。清理垃圾，明明往垃圾袋裏倒，偏偏跌晒落地，好似垃圾袋內有野推返出來咁。
盂蘭盆會，就快開到我家附近，今年要認真的上注香。。。
沒有留言:
發佈留言