其實好簡單

昨晚睇奧運，樊振東對張本智和。聽住傍述來睇，哇，喂，仆街勒，好迷惘。樊振東好似唔夠砌喎。但到最後樊振東反勝。

事後覺得好唔妥。今朝專程找個無傍述版本來睇。傍述的，總是外行人評論內行人，就算你搵個香港至堅的球手來評述，你都根本未有本事和當事人對賽，你講野，當你放狗屁。

今朝再細看比賽。第一，人人都知，其實張本智和其實係中國人，姓張的。聽到佢和教練的對話，都係用普通話。

第二，休息、或暫停時，教練向球員教路，張本智和好多野講，幾乎聽唔到教練講野。但係樊振東就只係聽，點頭，抹汗，飲水。

第三，觀眾席上，有好多隊友打氣。樊振東打出一球好球，場邊全部隊友秒速彈起，站立鼓掌。馬龍都為你站立鼓掌，你話揩唔揩。日本隊就較少這類鏡頭。

第四，某老牌傍述員，真係自細就聽到佢大。但佢都老到懵鳩查查，講錯野都唔知。

第五，樊振東的教練是王皓，以前都係球手。如果計成就，可能樊振東現在比教練整個運動員生涯更輝𤾗，但係做得你教練，你聽唔聽佢講？

總結係，你聽人講？識野的人，唔會無端端講野。做乜教精你？教精你，你咪家山發？但係如果佢有份，佢就將佢識既野教晒你。咁你仲駁嘴駁舌咩？怕聽唔清楚，怕聽唔晒啦。