鐵石心腸

今朝收工，返到屋企附近。從銀包拎出一張五十元紙幣，打算買我今日食用。面前出現一個男子，年紀不大，望住我。佢望我，我就回望佢。面貌有點似唐氏，俗稱蒙古仔。

佢欲言又止，最後結結巴巴咁講：你。。。你。。。有冇四十九蚊？​

我揚一揚手中的五十元，話：我有丫。

佢：可。。。可唔可以。。。我。。。唔記得。。。

我：唔記得，唔係冇丫，唔記得，我都成日唔記得架，咁你咪返屋企攞囉～～～

然後繼續我的購物路。

＝＝＝

我遇過冇錢開飯黨。兩個女人，年紀不大，操普通話。話佢來旅遊，現金用盡，已經兩天冇食飯，要明天才能有朋友過數。問我可唔可以請佢食飯。

我話：我成世人都冇錢花天酒地，冇BENZ揸，冇鮑參翅肚食，你請我丫。

＝＝＝

講返唐氏綜合症。其實有D係智力只係稍遜，唔係弱智的。我聽過人講，見過呢類人，遇到新入職的女社工，就借少少事，扮好驚，撲向女社工，姐姐，我好驚呀，姐姐，攬住我。。。然後就上下其手。

幾十年前，我親眼見過，沙田馬場入邊，有兩個此類人恒常出現，刨馬經，對話，和一般馬迷無異。識得賭馬，叻過賭波的人啦。

＝＝＝

繼昨日玩鳩電騙騙子之後，今日又玩鳩一個，事後有無比的興奮。以後要用我的聰明才智，再玩到盡。

無他！佢地騙子們，愈做就愈純熟，騙到巧奪天工。話唔定有日真係被騙。今日玩鳩佢，他日冇咁傷丫嘛。